大家樂 (已結業)

四月廿二日(二)下畫本來去大家樂食雞脾紅荳冰同去吉野家食牛肉米，但見佢個蕃茄通未食過就加左碗試下唔食牛肉米。燒雞脾+紅荳冰本來其實係想叫油脾，但打飛既聽錯左，見到佢夾上黎果隻都幾大就照食=) 味道方面，唔太有蜜糖味，醃味OK及入味。雞脾本身比較乾身，應該炸過黎再焗，無皮的背面被炸到有點硬，咬難進食，整體比不上大快活油脾好吃~ 紅荳冰是較淋紅荳一種，不錯~蕃茄肉碎通粉近年大家樂新下午茶粉，之前見過但無叫到，今次見到所以試一試佢。如圖無紋通粉加上一羹蕃茄肉碎同小小椰菜。蕃茄同肉碎味道唔錯，惟份量較小，通粉無紋是我較喜歡的一類，椰菜則感覺破壞了通粉的特性~口感。通粉的配料通常較淋，如火腿、牛肉，雜豆等均可和通粉連湯一起容易進食。加入了硬菜絲令亨受緊粉蕃茄肉碎同湯味道時要花時間去o趙菜，實在不成。當然只是小問題，先吃掉那些菜就可以~ ~" 淨計蕃茄肉碎及通粉味道其實不錯。食飯時見到新出御品鰻魚飯裡面鰻魚+蜜糖雞扒好似幾正，仲配埋蒸蛋同抹茶紅豆，搵日去試試先~味道分3.5