影片
更多
2022-06-13
738 瀏覽
新開張餐廳環境裝修唔錯，座位寬闊，感覺好乾淨，價錢有平有貴，點了$298美國牛100分鐘放題，心諗新張期應該唔會太差，試試伏唔伏先。入座時有機械人帶位，手機點餐黎會係運輸帶上菜。坐底會有隻船，有幾款牛豬雞肉，少少蔬菜同海鮮，放題牛既款式都有唔少，牛里脊肉，牛肋肉，牛舌，牛肉粒，牛橫隔膜....最正係薄牛肋肉可以揀跟溫泉蛋，燒肉點蛋漿真係勁夾，個人覺得最好食😋牛既質素都可以，但我覺得唔夠肥美，燒完唔夠牛香，調味方面基本上都係靠枱面的鹽，黑椒同燒汁，要貴餐先有其他醃味。我為左番本所以無試到豬肉同雞肉🤣海鮮方面有帆立貝，大蝦，多春魚，青口，魷魚，帆立貝燒完縮到好細粒，食左十幾隻！唔知係咪開張有蠔送，2人有8隻蠔，味道正常。蔬菜就有蘆筍，茄子，南瓜，雜菌...燒蔬菜比較乾，所以我點了牛油雜菌放d蔬菜入去一齊煮，加點鹽已經好好味😋最後講講飲品甜品，飲品有自家製果茶，清新但唔岩我口味，都係飲氣水。甜品有日本的雪糕同雪條，回本之選，仲有其他小甜品，但已經食唔切😄總結整體唔錯，加一都係三百幾蚊食到咁既質素既燒肉，又多選擇，環境真係好乾淨同舒服，食完無成身燒肉味，上菜速度又快（可能新張無咩人, 哈哈），
入座時有機械人帶位，手機點餐黎會係運輸帶上菜。
坐底會有隻船，有幾款牛豬雞肉，少少蔬菜同海鮮，放題牛既款式都有唔少，牛里脊肉，牛肋肉，牛舌，牛肉粒，牛橫隔膜....最正係薄牛肋肉可以揀跟溫泉蛋，燒肉點蛋漿真係勁夾，個人覺得最好食😋
24 瀏覽
0 讚好
0 留言
牛既質素都可以，但我覺得唔夠肥美，燒完唔夠牛香，調味方面基本上都係靠枱面的鹽，黑椒同燒汁，要貴餐先有其他醃味。我為左番本所以無試到豬肉同雞肉🤣
海鮮方面有帆立貝，大蝦，多春魚，青口，魷魚，帆立貝燒完縮到好細粒，食左十幾隻！唔知係咪開張有蠔送，2人有8隻蠔，味道正常。
蔬菜就有蘆筍，茄子，南瓜，雜菌...燒蔬菜比較乾，所以我點了牛油雜菌放d蔬菜入去一齊煮，加點鹽已經好好味😋
最後講講飲品甜品，飲品有自家製果茶，清新但唔岩我口味，都係飲氣水。甜品有日本的雪糕同雪條，回本之選，仲有其他小甜品，但已經食唔切😄
總結整體唔錯，加一都係三百幾蚊食到咁既質素既燒肉，又多選擇，環境真係好乾淨同舒服，食完無成身燒肉味，上菜速度又快（可能新張無咩人, 哈哈），店員服務都好好，推介👍🏻！希望可以保持質素，下次可以試高價一點的plan！
張貼
