御品·千之味 (深水埗) (已結業)

今日放工, 臨時同同事講起想食燒肉同壽司, 於是一行四人就去咗呢間好多人推薦嘅日本餐廳😙我哋叫咗個燒肉拼盤, 一碟壽司拼盤同一堆小吃, 有天婦羅蝦, 炸雞翼, 吉列蠔同炸餃子個烤肉係以爐端燒嘅形式上枱, 有一塊小小嘅石板, 上面有一小塊肥豬肉等我哋當係油咁揸, 好有日式風味唔使解釋咁多, 齋睇相都能夠知道啲肉有幾高質😁油脂豐富入口即溶就唔使多講, 仲要塊塊都厚切, 滿足感level up!😍個人最鍾意佢嘅牛舌非常新鮮有質感, 煎完出好彈牙😋👍🏻另外壽司拼盤包括嘅款式都非常豐富, 而且非常新鮮值得一讚👍🏻銅錢兩者相比之下小食就變得冇咁吸引, 並唔係因為做得差, 而係前面果兩味實在係太正🙈