浜焼き (已結業)

鍾意食日本菜既朋友，我相信都係為左一個“鮮”字，今晚來到呢間開業不久既餐廳，海鮮當然係今晚既主打，沙律做頭盤是常識吧！刺身，共9款，每款有3片，海膽都有半版架，鮮甜壽司共13件，每款一件，睇住廚師續件整，手握架浜燒既海鮮當然係戲肉啦，每份2人set有鮑魚、蠔、元貝、大蝦、蟹蓋，某幾款係即叫即撈，重有專人係你面前燒，我比較喜歡飽魚同大蝦，因為夠鮮夠彈牙，而個蟹蓋也不能忽視，蟹膏+蛋燒好後配薯片一齊食，問你試過未，唔好以為會好咸，咁樣配搭反而中和左蟹膏既咸味，有驚喜。講到和牛，有A4 & A5，我地order左A4，脂肪分布平均，由廚師用炭爐慢慢燒好奉上，入口溶化整體表現出色，有水準既日本餐廳