今日行完街,朋友話想食燒肉,但我又想食火鍋,咁啱見到呢間，除咗食燒肉仲可以食埋火鍋放題,可以滿足曬大家,見佢而家做緊$198澳洲安格斯牛腱（100min),就即管試試啦！
套餐包括肉類,海鮮和自助放題區任食😋
我哋揀咗壽喜燒湯底🥘
肉類方面,除咗澳洲安格斯牛板腱,還有牛舌,日本黑豚肉,美國雞腿肉,雞中翼,有多種味道選擇,原味,燒汁,塩鹽和蒜香味！
還有帶子,墨魚仔,多春魚等等...
另外出面自助區亦都有熟食和蔬菜等
牛舌：爽彈，帶濃郁嘅油香
黑豚肉：有肉味，肉嫩，油香感十足
牛板腱：脂肪少，有嚼勁，肉味濃
甜品方面
有好多款甜品選擇，大致上都唔甜，另外，雪糕係香港品牌，有海鹽豆腐和香芋味等，我本人試咗海鹽和豆腐味，海鹽味有少少鹹味，豆腐未就有好香豆和奶味，🍨來講真係唔甜，冇咁大罪疚感，食多幾杯都唔怕
總結：
好似我呢啲貪心，可以一次過食燒肉和火鍋，真係大滿足，仲有好多雪糕味道揀，環境亦非常舒服和乾淨，服務細心週到，落order後食物好快上枱，CP高，下次會再嚟
1
3
8
