影片
更多
2022-06-09
42 瀏覽
@旺角旺角嘅瓊華有好多嘢食，前幾日就同朋友去咗十六樓嘅「本場」食極上牛小排海鮮放題。$378+10%，但早鳥優惠有78折，兩個人食埋單都只係$665。睇返餐牌呢個餐有139嘢可以叫，好抵食。除咗肉同海鮮，仲有好多小食冷盤野菜甜品湯同嘢飲，最估唔到係連主食都有，不過有咁多肉食都夠飽啦，哈哈！一入去坐店員就俾咗一盤肉我地，可以試啱再嗌。燒肉汁幾好味，一燒完就可以食。有牛板腱，牛小排，牛頸脊，牛舌，封門柳同埋壺漬牛肋條。大部份都好靚油花，好快就燒熟可以食。我最中意食牛舌，好爽口同彈牙。壺漬牛肋條味道更入味同香口。除咗呢啲仲有豬肉雞肉等等。海鮮嘅選擇都唔少，我最中意食香草牛油帶子同蝦仁，放咗喺錫紙盤入面再燒，牛油味好香濃同埋唔會縮曬水。另外，墨魚片都好彈牙。其他小食我都試咗唔少，我最中意食章魚小丸子同埋芝士年糕！章魚小丸子細細粒，入面有嘅章魚仲多過平時食大大粒嗰啲。芝士年糕外面煙靭，裏面充滿流心嘅芝士，讚。甜品我又係乜都試下，份量細細份試啱再叫。榴槤麻糬最驚喜，一咬成口都係榴槤蓉，好香甜，一啲都唔係啲假嘅人工味。最後仲有一人一盒Movenpick，好滿足。
旺角嘅瓊華有好多嘢食，前幾日就同朋友去咗十六樓嘅「本場」食極上牛小排海鮮放題。$378+10%，但早鳥優惠有78折，兩個人食埋單都只係$665。睇返餐牌呢個餐有139嘢可以叫，好抵食。
除咗肉同海鮮，仲有好多小食冷盤野菜甜品湯同嘢飲，最估唔到係連主食都有，不過有咁多肉食都夠飽啦，哈哈！一入去坐店員就俾咗一盤肉我地，可以試啱再嗌。燒肉汁幾好味，一燒完就可以食。有牛板腱，牛小排，牛頸脊，牛舌，封門柳同埋壺漬牛肋條。大部份都好靚油花，好快就燒熟可以食。我最中意食牛舌，好爽口同彈牙。壺漬牛肋條味道更入味同香口。除咗呢啲仲有豬肉雞肉等等。
海鮮嘅選擇都唔少，我最中意食香草牛油帶子同蝦仁，放咗喺錫紙盤入面再燒，牛油味好香濃同埋唔會縮曬水。另外，墨魚片都好彈牙。
其他小食我都試咗唔少，我最中意食章魚小丸子同埋芝士年糕！章魚小丸子細細粒，入面有嘅章魚仲多過平時食大大粒嗰啲。芝士年糕外面煙靭，裏面充滿流心嘅芝士，讚。
甜品我又係乜都試下，份量細細份試啱再叫。榴槤麻糬最驚喜，一咬成口都係榴槤蓉，好香甜，一啲都唔係啲假嘅人工味。最後仲有一人一盒Movenpick，好滿足。
張貼
