LAB10 (已結業)

星期日晚係旺角行完街。想食燒肉，經過朗豪坊就見到呢間 lab 10。裝修好modern ，地方闊落 ，衛生環境唔錯。打開menu ，食物既款式都唔算少，除左燒肉外重有好多熟食。最後order 左兩款燒肉 ，分別係三色豬五花既拼盤同埋豬頸肉 。另外再點多左一份韓式水冷面。先講豬腩肉，燒完好香 。點埋依個辣醬非常好味，食起黎唔覺得肥同多油 ，可能因為燒既過程去左好多油。豬頸肉份量都算夠，有10塊左右，兩個人食剛剛好。 燒豬頸肉最好有d脆，少少燶，咬落去好juicy 。最後到水冷面，個汁少少酸，幾開胃！個面幼但幾有口感。總體性格比唔錯！可以一試！