派龍殿 (已結業)

平時我都好鍾意食燒肉放題，呢間燒肉店性價比非常高，仲要超多嘢食，超級多選擇，真係覺得好抵，餐廳仲要非常寬敞，座位同座位之間又夠闊落，擺放食物方便仲非常整潔，望落去都好乾淨呢度食物嘅款式有好多，無論豬，牛，雞，魚，丸味道都有幾款嘅選擇，晚市仲有海鮮供應另外一邊仲放有冷盤嘅壽司，土耳其嘅烤肉，又有甜品🍮雪糕，飲品，應有盡有呢個價錢來講真係抵到不得了最特別嘅就係有一部自動棉花糖機，自己可以製作唔同嘅棉花糖，新奇又好玩，仲吸引咗好多小朋友嘗試呢個新製作，雪糕除咗杯裝雪糕之外仲可以有得自製麥旋風冷盤仲有刺身同埋凍蝦青口，食完晒燒肉放題之後仲可以食埋生果，非常健康呢度韓燒都有勁多選擇😍牛扒、豬扒 、雞扒！肉質鮮嫩，容易入口，青口都好鮮甜，又唔會有沙，丸類都有勁多，魚蛋、香腸、芝士丸、墨魚丸！多到食唔晒😆款式亦都算好多唔同選擇，除左一般肉類 亦有原條秋刀魚，唔會好腥我個人就好中意魷魚鬚，爽口彈牙，燒左勁多條黎食，味道唔會好咸，啱晒我口味蔬菜可以放旁邊等佢慢慢燒，最適合燒翠玉瓜同埋菠蘿，菠蘿燒完之後表面有少少焦香，入口仲好清甜