米子燒肉家 (已結業)

今日同男朋友凖時收工，所以去食燒肉放題！佢哋有好多選擇，有牛肉、豬肉、雞肉、海鮮、蔬菜，應有盡有。我哋少貪心，所以乜都嗌啲！前菜- 海蜇野菜沙律🥗海蜇好爽口，又多份量，好好嘅開胃菜😋牛十品🐄每款牛肉嘅雪花紋都唔錯，入口即溶，真係好好味。我就encore咗牛舌同牛仔骨，包埋生菜食，真係冇得頂！雞肉盛食🐓整體雞肉非常嫩，自己操刀嘅韓式芝士雞腿肉，我建議加少少七味份，可以將味道昇華，超級正！海鮮盛食🦑海鮮方面，佢哋嘅青口同魷魚好新鮮，三文魚腩出面燒烤好少有得食，好特別！豚肉盛食🐖豬肉都唔錯，烤熟之後好juicy。佢哋連白飯都預備得好有心機，可以撈温泉蛋同埋紫菜食，掂！總之，呢間燒肉放題餐廳嘅食物質量同服務都好好，而且性價比高！