校長燒肉日韓料理 (西裕街)

營業中

休息中

今日放假天，陪老公大人去覆診，之後就落元朗買聖誕禮物，行到咁上下時間，又倦又餓，行到呢間校長燒肉，呢個時間只係5:00pm, 見好多人已排隊，心諗元朗人做乜咁早食飯？😅咁我就八卦行去望下，睇左呢個價錢牌，就解決左我心中疑問🤣我都即刻嘩左一聲，點解可以咁抵既？仲即刻拉埋我老公入去食店好大，又有好多不同種類食物，岩晒我呢啲為食鬼😝一條長長擺放燒肉既枱，都幾震撼👍🏻除左燒肉，仲有熱野食😍最特別就係有埋點心呀🤤點品櫃同樣都係咁多選擇👍🏻食物質數都唔錯，完全無得頂👍🏻我地開頭都諗比唔比多$40包埋刺身，最後我地既選擇無錯，刺身都好新鮮👍🏻 要搵日再黎先得勒😍