伊賀日本燒肉料理 (已結業)

有新同事加入！係一個值得慶賀嘅日子，為咗迎新，我哋幾個同事帶佢出去食餐好，呢間燒肉店地方好大，坐得好舒服。好開心見到個pad pad, 電子點餐系統，實在太偉大，又省時又方便，唔使下下攞一張二張紙，喺度畫到傻，廚房又有電腦record 可以好有系統咁樣睇到客人點左啲乜嘢 ,完全冇漏單的情況，而且上菜都幾快！牛油金菇放係個兜仔度燒，我係第一次，非常之好味！啲牛油好香，我負責嘅動作就係久不久兜下啲金菇，食極都唔夠，我哋叫完一round 又一round ！刺身都唔錯呀：啲甜蝦，屬於係幾肥美嘅size三文魚都OK新鮮辛口海鮮醬豬頸肉肥美的豬頸肉，塗上少少辣的海鮮醬，都幾惹味。安格斯牛小排成為今日最受歡迎的肉類海鮮方面，我地點左虎蝦我嘅最愛就係呢個帶骨牛肋肉肉質幾煙韌，而且好香。燒得剛剛好的牛舌，全靠我哋嘅燒嘢能手同事，於是呢件牛舌食落質感幾爽口。