校長燒肉日韓料理 (已搬遷) 新店位置

每個星期五也是與朋友聚餐的好時光，今次同朋友收工返到元朗搵食。見到門口甘多人排隊，真係好吸引丫，搞到我地都心思思想食燒肉。我地食7點後個場，仲加左錢upgrade左可以仼食生蠔同刺身，大概等到7:30就可以入去。Upgrade左既客人都會有個生蠔貼紙同埋蟹腳通行卡，甘就可以去拎生蠔同蟹腳啦。擺低左個袋當然就要繞場一周，睇下有咩食啦。可以燒既食物都算幾多，而熟食既選擇都會比較少，因為係燒肉放題嘛，都係專心地燒肉拉！拎完嘢食就開始燒拉，啲食物都係已經調好晒味而且幾入味添！最like就係個金茹肥牛，燒完都唔會散開，值得推介！燒完一轉之後，張紙已經黑黑地。店員好主動幫我地換另一張紙，服務真係唔錯呢！第三轉就燒啲海鮮食下，帶子、海蝦配水果、蕃茄都好好味！除左燒肉之外，刺身同生蠔係必食架！整體上刺身同生蠔都好新鮮！雖然三文魚都唔係腩位，但係都好肥。我最中意食肥啲既三文魚，入口即溶。生蠔食落口首先有咸味，慢慢就食到好鮮甜。