牛角日本燒肉專門店 (V City)

營業中

休息中

勞動節同大少去V City逛街，突然想食燒肉，而Kabu會員積分同優惠劵將於5月底到期，順理成章即時用App預訂牛角，可以在附近慢慢逛，不用在店外等，差不多到我們的號碼才行過去。大少好肚餓，要先叫個石鍋牛油黑椒粟米拌飯食，然後再慢慢選燒肉類。 原本想用盡所有積分，可惜每次祇可以用積分換一款食物，幸好還可以用一張免費食物券。於是，以積分換「極上一口和牛」，免費劵換「牛肋肉四品盛」，另加豚肉燒伴泡菜、柚子胡椒豚肉燒、多春魚 (4條)、海鮮盛合和一杯梅子青檸梳打。石鍋拌飯好香，口感和味道都不錯。豚肉燒伴泡菜連錫盤放爐上燒，香辣惹味。一口牛輕炙一會以為食得，原來裡面結了冰，要放在旁邊慢烤......時間沒能掌握好，失去吃和牛的樂趣，因此味道也普通。翡翠螺烤完變香，口感有嚼勁，幾好。石斑片幾好味，有彈感有魚味。海蝦和帶子就普普通通了。廣島蠔尚算肥美，柔滑又充滿海水味。  多春魚係要有耐性慢慢烘烤，味道也不錯。牛肋肉四品盛的牛肉也不錯，牛味香濃，味道口感都OK。梅子青檸梳打幾好飲，清新醒神，順喉開胃。綜合各種優惠，今餐好抵食啊。