尚八日式燒肉店 (已結業)

其實食放題好難寫食評嘅，我就想寫下佢同其他燒肉放題嘅分別。其實燒肉放題呢我覺得最重要係識揀牛肉嘅部位，呢度一開始就會上一個和牛拼盤，標明唔同部位嘅名稱，咁樣燒嘅時候就可以認的自己鐘意食嘅係邊款，方便再加點。其次就係燒嘅時間要識掌握，牛肉好講究燒嘅時間，呢度會有QR CODE比你scan嚟睇燒肉教學。我地一致都覺得呢度嘅和牛品質都係唔錯嘅，以放題可以做到咁嘅質素真係唔錯。我就尤其喜歡牛胸腹，牛三角同牛外腿呢三個部位。小食我就覺得餃子同芒果米卷係必叫！新開嘅荃灣分店亦都闊落，裝修整潔，坐得舒服。影完環境相後尾就只係掛住燒同傾計，無影到啲肉……有點可惜。