正道和牛燒肉店 (已結業)

試哂區內嘅燒肉店，得出三甲，呢間係其中之一。店內環境以黑紅深色為主調走型格。要咗一人特上燒肉定食，上枱每碟材料擺位工整，店員服務細心又主動幫手燒嘢食。沙律醬汁酸甜適中新鮮爽口、麵豉湯濃香冇過鹹、黑松露蒸蛋香氣四溢質感軟滑。黑豚五花腩肥美搶火，A4級和牛肩肉味稍濃帶有脂肪油香夠腍但未夠嫰口，雞翼燒至焦邊，調味稍輕要點醬汁。蔬菜有冬菇、紅椒，燒蔬菜向來係我弱項，但是次居然仍有水份冇乾哂幾好。飲品只有汽水冇即磨咖啡或自製甜品稍有不足。不過一個人食連加一都只係$160，比伊呂波、和幸、盛八等較多調味嘅店舖，呢度明顯肉質勝出唔使落味精。