銅鑼灣渣甸坊秘店
主打羊肉烤肉嘅「燒肉酒場」剛剛登陸銅鑼灣渣甸坊，北海道名物成吉思汗烤肉，提供超多進口新鮮羊肉，主要來自紐西蘭同蒙古，部位都幾齊全，連骨羊腿、羊架、羊油卷都有，當然會照顧唔多食羊嘅朋友，常見牛、雞、豬都俱全。
成吉思汗Made in Japan
原來，相傳日本人係明治時期，爲保暖軍服而係北海道推行百萬隻綿羊計劃，開設綿羊養殖場。與此同時，日本人順手將中國美食「羊肉串」帶返日本，加以改良就係今日嘅成吉思汗羊肉燒烤啦，仲好似成為左北海道為嘅日本國民美食之一⋯⋯
圓型鐵鍋烤爐
高聳的圓拱形特製烤鍋係本店一大賣點。將啲燒肉，主要係羊肉啦，放係上面燒到滋滋聲，似乎好容易激起食肉獸嘅食慾，享受與別不同嘅燒肉體驗。
無限添加洋蔥
配合圓型鐵鍋烤爐，特式之餘別有用意，原來旁邊放啲洋蔥等啲烤肉汁流落下，再俾佢吸哂啲精華，仲否可以無限添加洋蔥，非精常好食。
初心者都食到！羶味較少嘅羊肉！
比較得意嘅係，絕大部分羊肉都無經過醃製，原汁原味，而且羶味真心較少，除非你完全唔食羊，否則初心者一樣會carry到！咁啲羊邊到黎？店家特意選用優質紐西蘭及蒙古羊肉。兩地羊肉肉質軟嫩多汁，而紐西蘭羊肉羶味較淡，更岩初心者。
港人愛食牛：牛肋條、牛舌
去骨美國安格斯原條牛肋條加上燒肉汁同洋葱，然後放入日式小壺醃製，味道濃郁。佢脂肪較多，油花分佈外層，内裏肉質軟嫩，多重口感非常惹味，帶來滿滿幸福感。
講到香港人最愛肉類，非燒牛舌莫屬，店家特別挑選美國牛舌心，夠厚夠爽口，又多汁，令人忍不住狂食。
自家製調味醬汁/粉
燒肉嘅精髓一定係調味醬汁：燒肉汁、檸檬片、仲有爆炒洋葱粒。店家仲有獨門、秘製嘅調味粉，灑係肉片到，孜然辛香味袪腥解膩，食欲大增。
特飲：水果燒酎解膩必點！
精心炮製嘅3款水果燒酎：鮮橙燒酎、西柚燒酎和檸檬燒酎，我地係無試到檸檬姐。佢就有趣個位係用新鮮水果切粒結冰，直接當佢係冰咁用，視覺上非常吸睛！
