風流居酒屋 (已結業)

開番夜市後第一次黎幫襯，仍然好好食！由幾年前第一次光顧，對燒物的高質素嘖嘖稱奇，香口而多汁、伴碟的配角蔬菜令賣相加分之餘可減省熱氣，配襯的碟也有心思，十分喜歡。感受到老闆的用心和誠意，當時多口問老闆，記得佢話師傅曾在日本店工作。今晚的每日精選有日本蠔，有刺身同燒兩種做法，蟹皇丼、蟹蟹蟹皇拉麵、雞胸軟骨等等，我揀左燒蠔同胸軟骨，冇失望，燒過嘅蠔仲保留倒肥美juicy的口感，以往雞膝軟骨食得多，雞胸軟骨唔常見，骨較薄脆，冇雞膝咁硬身，好吃！雞脾菇特別嫩滑juicy，牛舌心厚切有嚼頭，雞泡魚乾厚有魚味，與自己從凍肉店買的魚乾回家烤貨色高下立見。絕對感受到燒物師傅技術超然之的、貨品質素高、沒有將貨就價偷工減料。現在生意咁難做，仲有咁有質數的良心小店，絕對要多多支持！下次試下蟹丼同拉麵