白石燒烤

營業中

休息中

今年真的早了很多入夏，朋友約BBQ時已經有點怕會熱暈 ，但竟然燒左成晚都冇事，仲不時有涼涼海風吹過來。除此之外，附近景色怡人，可見到八仙嶺以至吐露港一帶，當日還趕得及看日落magic hour 呢度好大，有飛鏢玩，撈金魚，仲有個好大的兒童吹氣波波池（不過超哂齡GE我地都係燒野食啦 ）進入正題講食啦，今次食乳豬同海鮮餐，難得可以自己燒乳豬，都會驚自己燒得唔好，好在有餐廳的小冊子，指引圖文並茂，其實都算容易，只需耐心點燒就可，燒完仲有職員代勞斬乳豬。斬的時候，聽到聲都知燒得好脆，一斬好，大家都圍住盒乳豬係咁食 原來自己都可以燒得咁好食 當日要負責做大廚，個爐夠哂大，又有新淨夾同網，一次過可以燒好多食物，落埋提供的獨立包裝牛油同蒜蓉，燒出黎D貝同蝦大大隻又香又好食 我燒出來的食物都算是不錯吧，食物都好入味 除了海鮮之外，豬牛雞丸腸應有盡有，D肉類夠哂味。好欣賞燒烤場內內外外都好乾淨，每樣食物都有獨立包裝，地方又夠大，不會同人迫到暈，空氣流通，唔會焗桑拿，不時仲有涼涼海風吹過，舒舒服服咁一邊燒一邊傾下計，差不多燒到回家尾班車先走。