燒烤店原本就主打晚市
禁左晚市堂食而家一至五做外賣
星期六日做埋午市堂食( •᷄⌓•᷅ )
佢地嘅燒物好食之餘仲好特別
即叫即燒好似Omakase咁逐樣上
1
非常有生活態度 好好品嚐食物值得更多人認識同支持🥲🥲
佢地隔離仲有想甜嚐甜
好似我咁食完燒物食番個甜品就大滿足(๑´ڡ`๑)
´•ᴥ•`健力士黑啤燒羊扒($72)
除左羊扒有黑啤燒咁特別之外
仲有另一款啤酒腸( ･⌓･̥ )
老闆表示啤酒腸仲要係啤酒廠自己出的
黑啤味超濃郁 好惹味🤤🤤
羊扒黑啤味冇啤酒腸咁濃
但肉質非常鮮嫩 多肉少骨 大滿足
´•ᴥ•`生燒脆豬腩肉($48)
外皮超脆⸜( ⌓̈ )⸝
份量亦好多 都有成20粒🤤
不過就唔係好嫩滑個種豬腩
但脆脆外皮都係街坊最愛
´•ᴥ•`醬燒肥牛海鮮菇卷($38)
金菇肥牛卷真係見得多
用海鮮菇真係夠曬過癮！
個醬係獨家調製 菇味好香
同肥牛配埋一齊食比金菇更有口感
順帶一提 牛油蒜蓉雜菇都好足料蒜味極香₍₍ (̨̡ ;ᯅ; )̧̢ ₎₎
佢地嘅菇都好鮮味(∩´∀`∩)
´•ᴥ•`生燒鰻魚飯($388)
用鎮店之寶嚟形容都不為過
真人真事 食食下有客人嚟訂位
都專登訂定要食鰻魚飯(*´∀`*)
老闆都話要食都要早啲訂( ･᷄ὢ･᷅ )
老闆表示坊間鰻魚汁多數現成貨
匯味堂係用大量鱔骨熬個汁出嚟
再配上赤麵豉熬製嘅麵豉湯
同埋迷你關東煮 日式風情十足
鰻魚亦唔係坊間多用嘅海鰻
更厚肉之餘魚味亦較濃
再經老闆45分鐘時間烹調
實在係用心之作( •̀ω •́ゞ)✧
小店座位好少 只有三枱倒
老闆都會好有人情味地同客人傾計
而且佢地仲有好多hidden menu
記得問下老細收埋左啲乜好西
匯味堂呢段時間撐得非常辛苦
所以亦有賣下肉骨茶 喇沙等真空包
情人節亦會賣下西湯湯包ฅ•ﻌ•ฅ
佢地嘅燒物真係好食又抵食
希望大家多多支持🥲
