浜焼き (已結業)

今日又同最中意食日本野既大食友人食飯, 揀左呢間浜燒, 環境有居酒屋feel~我地點左一份平目魚沙律, 刺身拼盤, 特上浜燒盛盒同幾串串燒~先黎既平目魚沙律好大份, 上面仲有牛油果, 三文魚子同黑魚子, 蔬菜好爽口新鮮, 個汁酸酸甜甜幾開胃, 重點d平目魚同三文魚子好好味, 好彈牙鮮甜, 係平時比較小食到既沙律配搭~之後既刺身5種睇落都好吸引, 每款都係厚切, 有三文魚, 油甘魚, 劍魚腩, 吞拿魚腩同帶子~ 每款都好新鮮, 油甘魚同吞拿魚腩既魚味最香濃, 後者魚油味香, 而劍魚腩勁厚身好爽口, 果然唔錯! 只係帶子比較細隻~特上浜燒盛盒係今晚既主角, 有海老, 鮑魚, 帆立貝, 蠔同蟹蓋, d鮑魚生猛到仲郁郁下!店員會幫我地燒, 先講下帆立貝, 好大隻而且鮮味, 唔錯~而鮑魚燒得剛好, 唔會un, 好味~店員會將海老拆埋殼, 好細心, 蝦肉好大隻彈牙, 食得出係新鮮貨, 而蠔都係好新鮮~最特別係蟹蓋, 入面有好多蟹肉同高, 配薯片食真係第一次, 不過蟹高味道唔太濃~最後點左幾串串燒食, 原來呢度食串燒係會跟一個備長炭爐, 好有趣! 其實串燒已經熟既, 但呢個gimmick我地都好中意