高麗軒韓國料理

朋友仔想食韓國料理、又想韓燒都冇問題，
因為之前去過尖沙咀的傳統韓國料理放題
<高麗軒韓國料理>就可以滿足晒!

餐廳位於地庫，環境舒適，
呢度點菜方式幾得意，

 將菜式號碼寫底係白紙再交俾店員就ok~

 呢度任食任飲的燒肉+料理放題只係每位$218，
識食的我地當然會加$38可以升級肉類啦，
可以點熊本霜降和牛、特級牛頸肉、什錦海鮮拼盤等等~

一開始仲會有5款可以refill的韓式小菜，
我最愛泡菜，酸酸辣辣~

我自己好鍾意呢度的肉類，選擇多質素又高，
特別係以下必食新款推介:

<熊本霜降和牛>
肉質粉嫩而多汁，入口即化，
我同朋友都食唔停~

熊本霜降和牛

<皇者牛排骨>
肉質幼嫩，仲有雪花添，香濃的牛味~

皇者牛排骨

<牛舌>
一片片薄薄的，非常爽滑，有嚼勁 ~

牛舌

<黑毛豬腩>
油脂分布平均，燒到外層微脆更正，
食落去有大大的滿足感~

黑毛豬腩

我地2個女仔的食量都不可睇少家!!

<什錦海鮮拼盤>
有蝦、帶子、青口、魷魚、魚柳
帶子肥美蒜味香濃，青口冇海水味，
蝦新鮮彈牙，魚柳醃得都幾入味~

什錦海鮮拼盤

而我最愛的非魷魚非屬，
新鮮幼滑，爽口彈牙，食完要再點多盤~

除左燒物系列之外，呢度仲可以任食韓式料理，
而且即點即製作，有湯、飯、小食等~

我最愛<豆腐泡菜辣湯>
內餡非常豐富，如魷魚、蜆、蛋、瓜等，
豆腐幼滑，又唔會太辣，味道岩岩好~

豆腐泡菜辣湯

<牛肉石鍋飯>
用左石鍋上熱哄哄，自己搞均勻d配料，
個底仲有少少飯焦~

牛肉石鍋飯

<韓式炒粉絲>
味道唔錯，如果再炒得乾身少少仲好~

韓式炒粉絲

飲品方面都有唔少的選擇，
呢度好適合同一班朋友一齊黎食~