影片
更多
2017-11-15
70 瀏覽
上一年去完韓國心癢癢，今次去到CWB一間韓燒，環境好有當地韓國韓燒店FEEL，係韓國玩既感覺番哂黎。今次就食左$500幾既牛加豬套餐，有新麻蒲護心肉同特級霜降牛肉，超正！首先係爐邊蛋，爐邊蛋加上泡菜，味道少少酸酸辣辣，加上我至愛食既蛋，幾特別，要小心地煮到滑滑地不要太老，兩條友快快手食哂周邊既泡菜蛋。前菜先有泡菜、芽菜、海帶，味道清新，泡菜酸酸辣辣，但迎合到香港人口味，不會太辣。燒烤類除左有護心肉同霜降牛肉，仲有秘製牛排骨同特選什錦拼盤，拼盤裡面有年糕，蘑菇，豬肉腸，大蝦，部分肉係有醃同冇醃，醃左個D甜甜地幾好食，護心肉燒好之後肉味濃郁而口感豐厚，十分好吃蝦肉彈牙夠哂大隻，蘑菇就好香菇味，豬肉腸燒香左都非常之正其實餐廳有附上生菜配燒肉食，不過淨係食燒肉都已經好好味啦，一兩舊夾埋黎食都唔錯，生菜乾淨爽脆，令燒肉不會太濟火灸霜降牛肉壽司，即上即燒，霜降牛肉入口就溶，充滿油脂，壽司細細舊，一口一啖部隊鍋，入面有腸、韓國拉麵、牛肉、午餐肉等等，辣辣地好好食，雖然都知食呢個係玩速食，但真心真係越自暴自棄就越吸引越好食。雪花冰我地加錢轉左個綿花糖雪花冰，見到店員用火槍燒到D綿花糖溶溶地，再加埋D雪
今次就食左$500幾既牛加豬套餐，有新麻蒲護心肉同特級霜降牛肉，超正！
首先係爐邊蛋，爐邊蛋加上泡菜，味道少少酸酸辣辣，加上我至愛食既蛋，幾特別，要小心地煮到滑滑地不要太老，兩條友快快手食哂周邊既泡菜蛋。
前菜先有泡菜、芽菜、海帶，味道清新，泡菜酸酸辣辣，但迎合到香港人口味，不會太辣。
燒烤類除左有護心肉同霜降牛肉，仲有秘製牛排骨同特選什錦拼盤，拼盤裡面有年糕，蘑菇，豬肉腸，大蝦，部分肉係有醃同冇醃，醃左個D甜甜地幾好食，護心肉燒好之後肉味濃郁而口感豐厚，十分好吃蝦肉彈牙夠哂大隻，蘑菇就好香菇味，豬肉腸燒香左都非常之正
其實餐廳有附上生菜配燒肉食，不過淨係食燒肉都已經好好味啦，一兩舊夾埋黎食都唔錯，生菜乾淨爽脆，令燒肉不會太濟
火灸霜降牛肉壽司，即上即燒，霜降牛肉入口就溶，充滿油脂，壽司細細舊，一口一啖
部隊鍋，入面有腸、韓國拉麵、牛肉、午餐肉等等，辣辣地好好食，雖然都知食呢個係玩速食，但真心真係越自暴自棄就越吸引越好食。
雪花冰我地加錢轉左個綿花糖雪花冰，見到店員用火槍燒到D綿花糖溶溶地，再加埋D雪花冰，一熱一凍，加上溶溶地既口感，出乎意料的感覺
原來生日正日前後一日向店員出示證明就可以拎到呢個Rainbow Cocktails，下次如果有朋友生日黎呢到就可以拎埋呢個free的Cocktail，淨係睇個樣都覺得好靚
張貼
