稻香超級漁港 (鳳德商場) (已結業)

好日唔買燒味，難得有幾日假期，食豪啲都要吧！稻香燒味本人一向都覺得唔差，唔想食太貴，喺稻香買份優惠燒味都食得過!比較一下上年年底，「燒腩仔半斤+貴妃雞/豉油雞半隻」售$89，相隔大半年加左$10。「燒鴨半隻+叉燒半斤」就$118，之前$108就是「燒鴨+雞」。燒鴨好少食到，所以今日就買個貴少少嘅孖寶叉燒某部分較瘦，好難。但師傅好好，竟然斬左個兩個叉燒頭，燒得燶燶的，好好味。雖然味道甜左啲，但食到停唔到，我一個人都食左大半盒食完之後好漏燒鴨都好大盒，香料味好重，所以好咸。今晚食咁多肉肉，唔飽到上心口都假嘅。由於依啲街外野，多數落重味精，食完覺得好頸渴。我相信送酒，汽水一流。