火焰燒味 (已結業)

這間火焰燒味門口掛住各款現場即燒的燒味，價錢合理，環境衛生乾淨企理，所以今晚買左三盒燒味返屋企加餸。除左燒味，餐廳還有些滷水及只售$35的客飯供應。夜晚六點都已經頗多人買。$110 有自選孖寶，可以4揀2, 蜜汁叉燒半斤及燒腩仔半斤。叉燒的脂肪均勻，肉質軟嫩多汁，蜜汁豐富，仲有燶邊位，好味。燒腩仔肥瘦相間，切得每件大小相稱，最讚係返到屋企燒肉皮仲很脆口。燒鴨半隻$75，皮薄而啖啖肉，必定要配上酸梅醬。