忠輝燒鵝專門店

營業中

休息中

一向係自己屋苑樓下買開燒味食，但見有朋友推介呢間係又新街既燒味店，仲講到一食難忘，身為＂為食一族＂又點可以錯過呢！未去到離遠已經見到長長既人龍，至少有成十幾二十個人排緊，不過因為只做外賣既關係，所以都排得ＯＫ快。排隊時已留意到當中好多男人都叫４寶飯，似乎係最抵食，所以我都跟機叫左個４寶飯；而家庭主婦就通常要淨斬料燒鵝半隻／一隻。隔離仲有鹵味賣，下次會試埋。三十幾蚊一個４寶飯仲送埋野飲，價錢黎講已經冇得輸。打開個飯一望，燒味裝到超級滿，而且色澤仲好靚，送多飯又多，唔怪之得咁多人都揀呢個飯啦。食埋，我終於明白點解朋友會極力推薦呢間燒味啦，因為真係似岩岩燒出黎，Ｄ皮好脆，咸蛋又靚仔流油，下次真係要買成隻燒鵝番去加送先滿足到我。