沙田一至尊燒鵝·生滾粥品專門店 (已結業)

沙田一燒味係出名好食，Lunch Time 成日都係人山人海，外賣又多，就已經知道口碑好好。- 燒鵝义燒飯 ($58)燒鵝係必食，皮脆肉嫩，水準之上。配埋酸梅醬，酸酸地，感覺冇咁肥膩。今次啲义燒就燶咗少少，不過好香口，肥瘦相間，比燒鵝仲好食。奉送例湯一碗，老火湯，冇乜味精，都幾好飲。燒味飯值得推介，不過就唔好係繁忙時間去，因為太多人等，要係門口等好耐。入到去餐廳，員工不足，又要等好耐先有人理會，跟住又要等一輪，先至有得食。