餐牌有好多選擇，點咗一啲比較特別嘅創意燒物，價錢唔貴大眾化，最平$10嘅都有，好抵食。除咗串燒外，仲有主食、小食和沙律，清酒啤酒、cocktail、特色梳打。
5
2
鹽燒西班牙五花腩 - 肥瘦分明，炭香十足，鹽味啱啱好
惹味燒雞腳筋 - 好脆口彈牙，微辣醒胃
蟹粉豆苗 - 秋天蟹季特登點咗呢道菜，蟹粉香濃而且份量好多，充斥着整個碟，非常鮮味
焦糖菠蘿鵝肝醬多士 - 鵝肝醬厚實濃郁，配上焦糖菠蘿嘅甜香，層次感超豐富，食完仲想encore！
蒜蓉菜脯燒元貝 - 鮮甜嘅元貝加少少微辣，蒜蓉同菜脯加埋有啲港式fusion feel，好開胃。
芝士菠菜卷 - 好有水準，芝士菠菜卷香濃豐富，啱晒打卡
荔枝檸檬梳打 - 清新解膩，仲有好多荔枝果肉，食完燒物飲返杯好正
港式蜜糖多士夾雪糕 - 外脆內軟，厚厚雪糕夾喺蜜糖多士入面，蜜糖味好香又濃郁，出色！
