石一燒 (富多來新邨一期) (已結業)

今晚有朋友帶我去小區食好嘢!一開始冇咩特別expectation，食落真係正喎! 石一燒，緊點石燒啦… 一嚟就畀4款醬料，有黑松露😚，牛肉汁，柚汁，海鹽😘，見到都開胃，尤其係大大坺嘅黑松露，唔駛錢咁！小鮮肉們嚟啦，我哋點咗豬脥肉，豬腩肉，牛小排，一口牛；嘩！賣相一流👍，好心急塊燒熱嘅石頭上枱呀！一到就急不及待，放落去燒。原來石燒比鐵板燒好，因為石燒唔駛好多油都唔黐底，唔駛驚鑊撈，真燒得暢快。味道呢?又鮮又嫩口😍，肉汁豐盈，外焦內軟，無得頂！唔介紹人去咁得呢！最後點個憤怒鳥， 顧名不一定思義，唔係炸鴨，係唔同炸發嘅炸雞，炸到一粒粒爆炸頭咁樣。因為係啱啱炸起，唔好味都唔得啦！本身味道好夠，當然可以點下枱上嗰4醬啦！我作嘅，憤怒鳥四醬，哈！小區有小區風味，大家不妨去試啦！想唔到嘅驚喜！