鼎尚棋哥燒鵝湯館 (已結業)

好耐冇出街食飯，放咗工心思思想食好西，就行咗過去C豬中心搵嘢食。原來開咗棋哥鼎爺，就入去試試。鋪頭裝修好懷舊，佢哋燉湯同埋燒鵝最出名，所以我哋order咗個二人燒鵝套餐。湯我哋叫咗椰皇燉嫩雞，螺頭黨參五指毛桃燉湯，兩個湯都十分足料、超級好味，無添加，好似媽媽煲嘅一樣。另外值得一提嘅就當然係隻燒鵝髀啦，鵝皮燒得好脆，加埋啲汁，送飯真係一流。另外我哋都嗌咗燒肉及雞髀，燒肉啲皮又係脆到冇得頂，值得推介。佢哋個奶茶亦都值得一提，茶味好香濃，好有本土feel，涼茶亦都好足料。雖然呢度價錢唔算平，但係食物質素非常好，值得推介，尤其是佢咁咁近我公司