阿肥火鍋 (已結業)

上星期經過漆咸道南呢間丫肥火鍋，見佢新開就成班衝落去試新野！ 由於有朋友遲到我地先叫左個小食，米通鯪魚球， 好特別！ 外脆內軟！ menu 上有好多燉湯，大家就叫左個蟲草花豬腱湯，一試個湯勁正，又多蟲草，夠哂味！攪到我都飲左三碗湯！點菜紙上有少見既雞腸，好新鮮呀⋯⋯魚蛋並唔係出面既普通魚蛋，用既係陳皮魚蛋，正！ 海鮮都非常新鮮鮮甜，直得下次再去試下另一個湯底先！ 佢地個環境好懷舊，服務非常之好，啲侍應佢經常性問你使唔使加湯！