Sweet Memories

唔少舖頭都有客製化服務🧑🏻‍🍳，不過可以將任何圖片手繪落蛋糕嘅舖頭🎨，大家又見過未呢？一間位於中環街市嘅蛋糕店🍰，聯乘插畫師 aimaihk 推出新品客製化蛋糕。呢款Burn cake(燒蛋粒)仲可以點火🔥，望住面層嘅圖案喺火焰之下溶化，揭露出另一個圖案😍，未食已經係視覺享受！舖頭甜品師係畢業於澳洲藍帶廚藝學院🎀。舖頭用新鮮原材料，製作唔同嘅蛋糕🍰。
.
🍵柚子茉莉蘋果麻薯燒蛋糕($488)
訂製蛋糕嘅時候，可以選擇兩張相用嚟製作Burn cake📸，而其中一張就係由插畫師畫出嚟嘅，好有質感💕。食落淡淡嘅柚子味，夾埋蛋糕本身用茶香做基底嘅味道，感覺清新🎐。而蘋果粒粒作為甜味來源，同時間仲帶嚟果香味添🍎。

.
💐花束造型芒果慕絲乳酪蛋糕($488)
蛋糕嘅賣相好有特色，將芒果片切成玫瑰花形狀🌹，配合埋花束紙裝飾，望落好fancy！芒果慕絲嘅甜香味、奶香味🥭，混合埋一齊有一種花奶嘅感覺🌸，配埋餅底嘅餅乾香、牛油香，味道立體豐富👅。而且成個蛋糕嘅芒果份量幾多💕，每啖嘅蛋糕、芒果比例啱啱好✌🏻。