影片
更多
2018-01-29
210 瀏覽
邊一段日子想食邊啲食物其實系受好多因素影響，例如身體狀況、心情、戈排既經濟狀況等等，打個譬如，如果戈排系身體系有毛病或者心情差就會想食得清淡啲，如果戈排冇乜錢洗就自然會揀啲平啲既野食。由於最近天氣凍凍啲，個人自然會變得好為食，周不時都會想食啲熱辣辣嘅嘢，尤其系火鍋，而且本人咁岩系糧尾，但依家出面稍為有質素啲嘅火鍋都講緊$200起，咁岩記起尖沙咀有間一人一鍋既食店覺得幾新穎。熱點既地理位置確實系熱點，系位於大型商場The ONE對面，街上人流十分多，但當然唔係個個經過呢間嘅都會入去食。另外值得一提既系原來熱點個招牌係同源記餐廳嘅招牌黐埋一齊，源記餐廳系連鎖茶餐廳，其實之前經過嗰個位，我已經好好奇點解兩個招牌會黐埋一齊，到入去食先明白箇中玄機。由大街落樓梯就係呢間餐廳，職員會先問你有冇訂位，原來有訂位同冇訂位係坐唔同嘅位置，有訂位坐既環境系吾同啲既，地方靚啲大啲，冇訂位既就相反。跟住先記起原來冇訂位嗰邊嘅環境同時係源記餐廳，因為我之前食過呢間源記餐廳所以知道呢樣野，有可能係源記餐廳覺得自己夜晚冇生意所以同熱點合作租個場俾佢哋？又或者可能都係同一集團但只係個名唔一樣。入到去嘅感覺確實不太好，
熱點既地理位置確實系熱點，系位於大型商場The ONE對面，街上人流十分多，但當然唔係個個經過呢間嘅都會入去食。另外值得一提既系原來熱點個招牌係同源記餐廳嘅招牌黐埋一齊，源記餐廳系連鎖茶餐廳，其實之前經過嗰個位，我已經好好奇點解兩個招牌會黐埋一齊，到入去食先明白箇中玄機。
由大街落樓梯就係呢間餐廳，職員會先問你有冇訂位，原來有訂位同冇訂位係坐唔同嘅位置，有訂位坐既環境系吾同啲既，地方靚啲大啲，冇訂位既就相反。跟住先記起原來冇訂位嗰邊嘅環境同時係源記餐廳，因為我之前食過呢間源記餐廳所以知道呢樣野，有可能係源記餐廳覺得自己夜晚冇生意所以同熱點合作租個場俾佢哋？又或者可能都係同一集團但只係個名唔一樣。
入到去嘅感覺確實不太好，真係茶餐廳嘅感覺，但如果味道可以彌補環境嘅不足我覺得係可以嘅。佢之前已經參考過人哋提供嘅餐牌照片，個人會比較偏好海鮮豆腐鍋同埋芝士牛乳豆腐鍋，最開頭完全冇諗過忌廉龍蝦湯鍋因為睇落好似好貴，但竟然最後係叫咗呢個。原來全部鍋物都配白飯一碗，個鍋本身已經令人咁飽，就當然半價配烏冬，配粉絲或者公仔麵都係半價。
忌廉龍蝦湯鍋 $108
冇幾耐之後我個鍋就嚟咗啦，係傳統用火槍打火嗰隻爐，入面當然有齊晒餐牌講明包含嘅嘢，由於太多所以就唔一一咁講，但值得一提嘅係佢既飛魚籽魚蛋腸，個形狀有啲似韓式年糕，咬落爽口又美味花枝丸就食得多，但估唔到呢個花枝丸入面真係有墨魚既腳系度真心驚喜。不過豚肉嘅質素就唔好奢求太多，比較吾新鮮同埋有啲硬。湯底我覺得係OK嘅，真係有幾鮮嘅龍蝦味，飲多幾啖都吾會覺得漏。
沙茶肥牛鍋 $88
友人則叫左一個沙茶肥牛煲，其實材料大致上同我嗰個煲差唔多，但係湯底真係好正，飲落又真係好似火鍋嘅沙茶醬料味道咁，但係又唔會太鹹。另外仲有每次打邊爐都必食嘅肥牛，其實打邊爐如果冇肥牛又真係爭咁啲，但呢度就唔係任食，算係滿足一下個人對肥牛嘅一點點渴望吧。
P.s. 頭先講過呢間餐廳既一人一鍋係人手點火，跟住我個邊爐滾左一陣過火就快熄，然後我個朋友嗰個都係。最好笑係叫侍應加火嗰陣，佢竟然又真係淨係加我戈個😅呢個行為實屬十分不正常⋯如果嗰一台有兩個客人，咁佢就淨係會點火俾叫佢嗰個，這是什麼玩法⋯
食物來講整體質素正常，只能話咁嘅價錢係咁嘅質素就還好啦，始終係香港地都係一分錢一分貨嘅餐廳多，遇到性價比高嘅餐廳就算係好彩。
張貼
