賞島咖啡屋

營業中

休息中

今晩放工一個人嚟到太子嘅cafe食個dinner。估唔到7pm都已經坐咗8成滿，可見餐廳嘅實力。食物種類都唔少，有小食、意粉、主菜同配菜等等。牛油果煙三文魚牛角包（$68）- 我最鐘意食牛角色㗎喇！一咬落個包度就知道鬆化同帶香濃嘅牛油味，裡面夾住三文魚同牛油果味道好夾，仲有沙律菜為都伴碟～慢煮雞胸柚子汁沙律（$78）- 沙律好豐富，除咗有爽口嘅沙律菜外，仲有新鮮嘅士多啤梨同藍莓，而主角雞胸都幾厚身，而且捲成一朵花咁上。再配上酸酸甜甜嘅柚子汁真令人開胃。Summer White ($52) - 呢杯咖啡賣相好吸引😍 上面竟然有塊焦糖西柚！而呢杯仲係哈蜜瓜咖啡，因為入面加咗哈蜜瓜糖漿，真係好特別，一定要點嚟試下。