火山石石鍋手打烏冬專門店 (已結業)

星期六係旺角行完街就當然要去醫肚食飯,朋友就叫左我黎依到,話佢都唔錯,清清地幾好嫁,午飯時間過左唔算太多人咁就叫左個豬骨湯海鮮烏冬,木魚湯薄切豚肉烏冬同埋一個木魚湯厚切豚肉烏冬,一人叫一個,咁樣又可以SHARE咁食,唔錯既,豬骨湯海鮮同豚肉只係相差幾蚊雞，但料就真係好多，一定係值回票價，豬骨湯底係比較淡既，不過都算幾好味道既,清清淡淡食落唔算太濃,同烏冬係一個幾好既組合,至卡依個薄切豚肉就真係好薄好薄好似透明咁,好刀功呀不過食落無咩味道，厚切既就係五花腩喇,好搞笑,不過味道都唔錯,不過佢依到所有野都係用石鍋裝住,D野食絕對會夠哂熱,至於味道方面,鍾意食濃既野就唔算太岩你喇,因為依到真係清清淡淡,不過都算唔錯既。