由地鐵站行去餐廳大概十幾分鐘左右
由於當日天氣非常炎熱，行到門口已經汗流浹背
就算入到餐廳有微弱既冷氣都已經舒服好多
枱面有QR CODE 可以自助點餐
因為食客唔太多，所以直接用點心紙好似仲快
不過當日既WAITRESS 額頭上面印左＂生人勿近＂
由落單 斟茶 上菜 收碟 都係毫無表情同交流
但係佢交足功課 有求必應 所以服務方面無唔滿意
好快就上菜，首先D 點心全部都熱辣辣好開心
好似岩岩蒸完就即刻拎出黎，仲要係辣口果種
由其係波蘿叉燒包，外脆內軟，又足饀，必食推介
鮮蝦腐皮卷係我個人必點既，亦都食過好多間，呢個都係好正，新鮮滾熱辣，好脆口
入面仲有西芹，唔係間間都有
燒賣都好正，雖然得２粒， 但係比正常SIZE大, 而且非常JUICY
蝦餃好似係皇牌點心，成個拳頭咁大都好有GIMMICK
不過我個人就鐘意正常SIZE，一口食晒
呢個略嫌大左少少
夜晚當然要食飯，所以叫左呢個鳳爪排骨飯，D飯粒粒分明
最後叫返個燉湯作結，熱騰騰，仲有粒鮑魚仔
最後仲叫左一碟ＸＯ醬金錢肚
個人覺得不叫也罷，唔算太好食
