Brick by Brick (已結業)

惹味肥牛堆喇沙湯麵 $98喇沙湯底以大量蔬菜熬製而成，湯頭偏甜，咖喱味道香濃，用上摻墋（油面加米粉）吸湯，米粉不易斷，油麵滑而煙韌，分量多。火熱砂煲肉骨茶$128砂煲上枱話熱辣辣，馬來西亞肉骨茶中藥味較濃，加上新加坡白胡椒，食食下會有點辣，平時肉骨茶多數用一字骨，呢間餐廳用豬軟骨，食時更加方便，又唔會有碎骨，炆得好林，沾上新鮮蒜蓉醬特別滋味。泰式香茅班蘭薑茶（跟餐+$25）一上枱聞到陣陣班蘭味，充滿泰國風情，天氣凍飲熱薑茶好舒服。話梅桃膠羅漢果茶（跟餐+$25）羅漢果味重，天然的甜味，食到啖啖桃膠。