影片
更多
2021-05-14
871 瀏覽
小奇與小辛又出動啦!今晚上網搜尋元朗有咩名物出品，搜尋結果竟然係章魚燒!? 小奇心諗：咪即係小丸子加Ｄ沙津醬、燒汁、同埋木魚囉，每區超市廿蚊都有得食嫁啦，使嘜專程黎到元朗食呢？既然係人氣之選，我都決定黎拜會一下。望望餐牌呢度有唔同炸物，全部都係廿零蚊，小食黎講我覺得價錢恰當，又唔算貴。不過今次一心諗住黎食章魚燒，所以我都係睇番章魚燒個餐牌先。店內有8款口味，同老細傾計先知原來之前仲有個期間限定的芫茜口味，今次錯過了>,<我本人係超鍾意食明太子，今次我叫明太子6粒($35)、混合味黑松露2粒同埋蜜糖芥末味2粒($30)試試。比錢個時發現有個小驚喜，原來自備餐盒可以平一蚊!一向奉行走塑既我，今次自備左摺疊盒+玻璃盒，前後總共可以慳番2個餐盒($2)既價錢！等緊食物期間仲比我發現到呢張「買外賣帶盒走餐具」貼紙，我即刻影低分享比大家，睇得出店鋪係好支持環保！好多謝有心推動自備盒買外賣的店鋪，可以比客人有更多的走塑選擇！可能我夜晚先黎少D人排隊，等左大概5分鐘就有得攞。一開始攞過兩個盒都有D手忙腳亂，因為岩岩整起章魚燒全部都好辣手，我都係影完相等多陣先開始食。我先食左至愛既明太子
今晚上網搜尋元朗有咩名物出品，搜尋結果竟然係章魚燒!? 小奇心諗：咪即係小丸子加Ｄ沙津醬、燒汁、同埋木魚囉，每區超市廿蚊都有得食嫁啦，使嘜專程黎到元朗食呢？既然係人氣之選，我都決定黎拜會一下。
望望餐牌呢度有唔同炸物，全部都係廿零蚊，小食黎講我覺得價錢恰當，又唔算貴。
不過今次一心諗住黎食章魚燒，所以我都係睇番章魚燒個餐牌先。
店內有8款口味，同老細傾計先知原來之前仲有個期間限定的芫茜口味，今次錯過了>,<
我本人係超鍾意食明太子，今次我叫明太子6粒($35)、混合味黑松露2粒同埋蜜糖芥末味2粒($30)試試。
比錢個時發現有個小驚喜，原來自備餐盒可以平一蚊!一向奉行走塑既我，今次自備左摺疊盒+玻璃盒，前後總共可以慳番2個餐盒($2)既價錢！等緊食物期間仲比我發現到呢張「買外賣帶盒走餐具」貼紙，我即刻影低分享比大家，睇得出店鋪係好支持環保！好多謝有心推動自備盒買外賣的店鋪，可以比客人有更多的走塑選擇！
可能我夜晚先黎少D人排隊，等左大概5分鐘就有得攞。一開始攞過兩個盒都有D手忙腳亂，因為岩岩整起章魚燒全部都好辣手，我都係影完相等多陣先開始食。
我先食左至愛既明太子味先，果然不失我所望，全盒都係木魚同埋明太子醬，配料多到好似唔使錢咁，岩哂重口味既我。
大大粒章魚
$35
70 瀏覽
1 讚好
0 留言
平時最怕就係食到好厚粉同埋全部都係菜既小丸子，好彩呢度既章魚燒唔使用放大鏡都清楚見到，每粒都真材實料好有咬口，誠意推介章魚燒係店鋪必食既小食。
之後試埋黑松露同埋蜜糖芥末味，兩隻味都好有驚喜。
蜜糖芥末味、黑松露味
$30
59 瀏覽
1 讚好
0 留言
（蜜糖芥末味個醬甜甜辣辣地，幾過癮）
（望住黑松露個款以為自己叫左兩球曲奇味雪糕）
整體黎講，我好欣賞呢間日本風小食店，加上搵到間支持環保的小店真係唔容易，讚！
總結:
食物味道＊＊＊＊(4/5)
食物種類＊＊＊＊(4/5)
等候時間＊＊＊＊＊(5/5)
容易走塑程度＊＊＊＊＊(5/5)
張貼
