陸陸雞煲火鍋 (已結業)

嘩，今晚天氣凍冰冰,即刻想起打邊爐,啱啱經過陸陸雞煲 ,門口好多人排隊,我諗應該係正嘢,咁就排埋一份。例牌一個細雞煲半隻雞，雞煲上檯香噴噴，員工在幫我哋兜兩兜焗一焗，麻夠香，辣夠味 ，雞夠足配料多，好味好味。手切肥牛例牌 餐牌上面寫美國靚牛肉，上枱嘅牛肉有安格斯嘅質素，牛肉處理得好好，一啲雪藏味都冇感覺好新鮮，肉質好嫩滑，值得推介。百花咸牛肉芝士釀油條第一次見咁嘅菜式，上枱時員工教我哋點樣食，肉向下油條向上，輕輕淥20秒，芝士加鹹牛肉嗰款，咸牛肉加芝士嘅味道好突出加有小小油條味唔錯。桂花蚌+珊瑚蚌這碟雙拼盤上枱顏色十分鮮豔 ，感覺十分新鮮，輕輕滾一滾，好正真係超新鮮，肉質爽口鮮甜帶小小海水味，冇得彈。柚子梳打佢嘅柚子味好似柚子蜂蜜，加入梳打有氣嘅感覺，這款飲品十分清新嘅味道，感覺好解渴。