小野人

營業中

休息中

最近沙田出現咗一間食串燒嘅店舖，見到都好多人幫襯，所以今日特登約朋友去探店😬用qr code落單方便快捷，所有嘢都印有logo，非常可愛！小野人蒜蓉燒茄子~茄子燒到非常軟糯，而且蒜蓉完全滲入，非常惹味！蒜蓉粉絲烤扇貝~尺寸畀想像中大，粉絲吸曬扇貝嘅精華，夠曬鮮甜！而扇貝亦都非常新鮮！小野人黑松露蘑菇烤飯~烤飯先落檸檬汁，拌勻後，可以夾於紫菜中，一口一啖，黑松露嘅煤味直衝入口腔，非常過癮！蒜蓉烤新鮮生蠔~非常多汁，啖啖肉，充滿鮮味，令人回味無窮！點咗非常多唔同種類嘅串燒，當中最推介會係香蔥豚豚肉捲，一大把蔥卷於燒到香脆金黃將近零油脂嘅豚片當中，一啖一個非常方便！重點係蔥嘅香味在口腔內緩緩不散，絕對係蔥嘅愛好者必點！！！小野人燒雞翼~雞翼燒到外脆內軟，裏面依然充滿肉汁，雞肉依然非常juicy！元氣森林水果茶&小野人手打檸檬茶~食串燒當然要飲大量嘅飲品，呢兩個item夠曬清爽，而且大大杯，絕對夠飲！出奇地唔會好似坊間嘅飲品咁太甜，完全係健康之選！