巴打小食 (已易手) 新餐廳

見到網上推廣，特登同朋友搵路去食。叫左熱浪薯條同埋羊架，熱浪薯條食左一條就覺得勁咸。同店主講返，佢淨係答「薯條淨係落熱浪粉、無落鹽，係咪你自己落多左粉」我話「無」，之後眼都唔望我地一眼，當無左件事。😓我覺得可能係我地果份唔小心落左鹽/落多左粉。最後我地一半都未食完就頂唔順掉左份薯條。比我嘅感覺係店主完全懶得理。覺得就收你13蚊咁多要求，少你一個客都無所謂，大把人食。雖然羊架唔錯，但係覺得無咩誠意，無下次。