小火焰韓式咖啡廳 (金山樓) (已結業)

【小火焰】#大圍 #韓式料理今日同朋友食完飯之後大家都意猶未盡，逛咗一陣就決定再戰一餐（甜品is for another胃），所以就遊蕩咗去呢間我印象中甜品唔錯嘅小火焰韓式咖啡廳。第一次去大圍嘅新店，估唔到佢嘅裝潢比我想像中寬敞舒服，甚至比觀塘分店更加明亮。而且我哋兩個好好彩咁分配到卡位，隔離有部大電視，可以聽住K-POP（睇住靚仔靚女）咁開心進食，正！我叫咗一份糯米糍3.6牛奶乳雪花冰（ $68 ），而我嘅朋友就叫咗一份松露曲奇脆脆3.6牛乳雪花冰（ $68 ）。飲品方面我哋就叫咗一杯凍蜂蜜柚子茶（ $28 ）同一杯凍蜂蜜紅棗茶（ $28 ）。🍫糯米糍3.6牛奶乳雪花冰（ $68 ）糯米糍甜度恰到好處，質地綿軟但又唔會黏牙，口感一流。朱古力雪糕亦都非常正，有濃郁嘅朱古力味。🍪 松露曲奇脆脆3.6牛乳雪花冰（ $68 ）所謂曲奇係Oreo餅，而一粒粒嘅脆脆就係充滿強烈松露味嘅餅碎，口感同質地都好似爆谷咁樣，脆脆地好爽口。——————————————#小火焰小火焰韓式咖啡廳 (金山樓) (大圍)大圍大圍道1-35號金山樓地下4號舖