影片
更多
2011-04-19
9 瀏覽
團購前上OpenRice望過, 見食評勁讚, 心諗今次執到寶團購完無耐打電話去訂位, 但booking已經排到兩個禮拜後响無心理準備之下, 唯有暫時唔訂住!約三個禮拜前再打去訂位, 但電話一係打唔通, 就算通咗都無人聽,仲要長期留言信箱爆棚! 有幸留到言, 但又無人覆, 令我開始懷疑佢執咗好彩有個同事住响嗰頭, 於是麻煩佢親身落去幫我地訂位, 幾經波折,終於訂到位喇 (抹汗ing......)本來訂咗7:00pm, 但6:45pm 已經到咗, 人客唔多, 所以可以安排到卡位坐有位貌似老細嘅黑衣人好熱情咁招呼我地, 又解釋個beecrazy拼盤有乜, d安格斯牛同牛腩心有乜分別, 點食先最好, 俾個Like佢啦團購餐湯底得清湯／麻辣湯／鴛鴦鍋揀，我地就揀鴛鴦，貪佢兩款都有得試嘛所謂嘅清湯，其實都有番茄薯仔粟米豆腐至於個麻辣湯，對ｄ食得辣嘅人嚟講可能淡咗ｄ，但對我地呢ｄ唔太食得辣嘅，反而覺得佢辣得剛剛好，有少少麻，只係鹹咗ｄ啫拼盤到～唔知係咪因為我地叫咗走羊，所以安格斯牛都有好多片，但牛腩心就少得可憐，得嗰4塊仔，仲要碎濕濕，真係完全試唔出ｄ味囉但係個安格斯牛就真係出色嘅，牛味濃，唔會太肥
團購完無耐打電話去訂位, 但booking已經排到兩個禮拜後
响無心理準備之下, 唯有暫時唔訂住!
約三個禮拜前再打去訂位, 但電話一係打唔通, 就算通咗都無人聽,
仲要長期留言信箱爆棚! 有幸留到言, 但又無人覆, 令我開始懷疑佢執咗
好彩有個同事住响嗰頭, 於是麻煩佢親身落去幫我地訂位, 幾經波折,
終於訂到位喇 (抹汗ing......)
本來訂咗7:00pm, 但6:45pm 已經到咗, 人客唔多, 所以可以安排到卡位坐
有位貌似老細嘅黑衣人好熱情咁招呼我地, 又解釋個beecrazy拼盤有乜,
d安格斯牛同牛腩心有乜分別, 點食先最好, 俾個Like佢啦
團購餐湯底得清湯／麻辣湯／鴛鴦鍋揀，我地就揀鴛鴦，貪佢兩款都有得試嘛所謂嘅清湯，其實都有番茄薯仔粟米豆腐
至於個麻辣湯，對ｄ食得辣嘅人嚟講可能淡咗ｄ，但對我地呢ｄ唔太食得辣嘅
，反而覺得佢辣得剛剛好，有少少麻，只係鹹咗ｄ啫
拼盤到～唔知係咪因為我地叫咗走羊，所以安格斯牛都有好多片，但牛腩心就少得可憐，得嗰4塊仔，仲要碎濕濕，真係完全試唔出ｄ味囉
但係個安格斯牛就真係出色嘅，牛味濃，唔會太肥，唔鞋唔un，正
拼盤裡頭ｄ蝦都好新鮮，鮮甜又唔霉
至於其他嘢就普普通通啦！
呢處較為特別就係竟然有豬腦同豬肺，我地緊係唔會錯過啦記得細細個時，阿媽燉過豬腦我食，我都幾鍾意食！
今次用豬腦嚟打邊爐，又係另一種味道，但我都係鍾意燉嘅多d
個豬肺切成薄片, 比較易熟，但始終第一次用呢兩樣內臟打邊爐，
都係諮詢吓黑衣人嘅意見好ｄ，而佢亦好有心機咁教我地滾幾耐先好食
另外叫咗九肚魚，都好新鮮
四川薯粉係我嘅摯愛，難得見到餐牌有佢，一定要點啦
可惜，薯粉Ｑ度唔多夠，有ｄ失望
最精采就係份順德釀豆卜......＂叔＂嘅
我話俾黑衣人知，佢即刻話換過碟俾我，
但其實我地已經好飽，但見佢盛意拳拳，
亦只好接受！好在換番嚟嘅釀豆卜係正常嘅，
兼且仲有豆香同鯪魚香
最後仲有紅豆糖水送，唔太甜兼大大粒紅豆，剛好中和一下ｄ味蕾因為加咗$10任飲汽水啤酒，最後埋單都要每人$135。
總括嚟講，食物整體都好新鮮，牛亦屬水準以上，但限於團購餐牌可以
選擇嘅食物唔多，有機會下次會再試吓其他嘢!
本來好期待見識吓阿＂櫃檯黑面女員工＂，但今次所見嗰位櫃檯女員工，
雖不至於笑臉迎人，但亦絕無黑面，態度非常ok
為獨是班伙記，無一個有丁點笑容，個個五筒咁款
我份人比較多嘴，平時响別處逗ｄ伙記傾吓講吓，人地都好有反應，
响呢度，sorry囉，可能我ｄ冷笑話真係太冷，講完佢地都係木無表情
給黑衣人的忠告：阿老細無論你幾好服務都只係得你一個人，
成班倒米壽星响處幫你趕客，我覺得你真係要諗諗佢囉！
唔係食物質素幾好都無用啦！！！
張貼
