Jazz Cafe (已結業)

星期六晚上，周圍都好難搵位食飯。奶奶諗起荔枝角呢間樓上餐廳，由於荔枝角係工廠區，星期六晚上工廠收咗工，人流唔多，所以呢間餐廳都好容易搵到位。呢間餐廳係用熱帶魚水族館做主題，餐廳周圍都有好大嘅魚缸，養咗好多好靚嘅珊瑚同埋熱帶魚。 對住啲咁靚嘅魚同埋珊瑚一路食飯， 真係好開心。我哋四個人叫咗兩個魚嘅set dinner， 兩個意大利飯set dinner。 魚煎得幾香，汁味道啱啱好。 意大利飯方面，我一向都麻麻地 ，我覺得有啲滯， 唔太鐘意食。一人百鬆啲蚊，有咁靚嘅地方舒舒服服咁坐下、傾下計，我覺得好抵。