摩芽雞蛋仔 (已結業)

見仲有廿分鐘先返工，經過見到雞蛋仔又口痕，所以就嗌左底特濃朱古力雞蛋仔試下😗。本身喺我前面得一位客人等緊拎野食，咁我都覺得應該唔會等好耐。等左10-15分鐘，我前面嗰位客人都仲未拎得，而我都等到好心急，問下老闆 (/staff) 仲要等幾耐，佢話3分鐘。最後喺又熱又燥底嘅情況下，終於拎到底熱辣辣嘅雞蛋仔😵👏🏿。比較欣慰嘅係，俾雞蛋仔嗰位姐姐都有同我講聲唔好意思要等咁耐。試得個雞蛋仔喇，想mit粒落黎食，結果mit左幾粒連住嘅，因為成底雞蛋仔好似overcooked左，太硬太脆喇，入面一啲軟熟感都冇😪，唔會再試呢間店嘅其他野食喇😩。