樂天大喜屋 (已結業)

同大食朋友食飯梗係要食放題先滿足到佢地。見呢間放題每人3百有找，又成日大排長龍，於是決定放膽一試。呢度拎野食既空間都幾大，門口附近放左好多熟食，門口對面係一排飲品櫃。關東煮，清清地，吾會過甜，蘿蔔煮得幾入味，獅子狗吾會煮得好軟，值得一試。蟹粥🦀🦀煮到綿綿既，有蟹既鮮味味，鐘意鮮甜d有口感d既，不妨叫碗粟米🌽🌽加埋落去。溫泉🥚🥚蛋放係凍櫃度，感覺衞生企理。壽司🍙一口一舊，賣相精緻，材料新鮮多元化。食多幾舊都吾怕佔太多胃空間。凍蟹🦀🦀有肉地，鮮甜肥美，一d都吾梅。瑤柱扒西蘭花🥦🥦咁正經既中菜係放題真係少見，難得呢度整得一d都吾hea。西蘭花無雪味，洗得夠乾淨，夾埋瑤柱食，加碗飯就完美了。焗孜然黃糖雞翼焗到熱騰騰，用羊肉串常用既孜然粉調味，加埋黃味，帶出左雞肉既鮮味，有新意。豉椒汁炒蜆絕對係重口味人士首選，每粒炒蜆都充滿豉椒汁，蜆size正常，而且每個殼都有肉，食得滿足過癮。食埋炸紫深香芋丸同Mövenpick雪糕🍨🍨做甜品，飽到上心口了。