胡椒豬什湯 ~ 用新鮮豬什煲, 胡椒味好重, 最重要係無味精, 幾好味!
鹵水乳鴨 ~ 鹵水味不夠, 乳鴨就好嫩!!
蒸醃仔蟹油面底 ~ 醃仔蟹周邊放咗d 豬肉碎一齊蒸, 好似豬肉餅蒸蟹咁, 底下仲有油面!
蒸魽魚 ~ 魽魚係淡水魚, 魚就滑但無魚味!
蒸釀茄子 ~ 茄子釀咗豬肉碎, 炸咗再放粉絲係面再蒸, 好油!!
炸釀魷魚桶 ~ 魷魚桶入面釀咗無味既白飯冬菇再炸, 一d都唔好食!!
芥蘭炒牛肩肉 ~ 老闆話呢d牛肩我地買唔到, 買到都好貴, 一上枱買相好得, 點知牛肩淨係食到soda 粉味, 一d牛味都無, 最終淨咗大半碟, 因唔好意思只好打包再掉, 實在不能食!!
酒煮花甲 ~ 呢個無難度, 只要花甲新鮮, 煮得唔過火, 人人都可以煮得好味!!
上湯娃娃菜 ~ 一個字.."油"...
今次來呢度食都係友人食過話得, 點知係唔得唔好味唔會再去, 咁既食物質素點可以做私房菜!!
埋單要$1850, 平均毎菜都要$185, 一d都唔值, 菜色懶係有功夫, 但大多數都係唔好味, 呢個價錢係呢個市政大樓, 去隔離食店食全海鮮宴應該好味好多, 或許淨係炒餸食飯可以平一半!!
