鱻潮手工私房鍋 (已結業)

餐廳地方闊落，唔駛坐到好迫，我地2個人都可以坐到4人枱，有額外座位擺袋，枱面又可以放晒食物，安排唔錯。睇menu發現有好多唔同菜式供應，小菜、火鍋、蟹宴、海鮮等好多選擇，初初諗住食火鍋+海鮮，不過最尾決定食蟹宴。潮州凍蟹凍蟹唔算好大隻，不過處理得好好，唔會有腥味，肉質嫩滑，加上醬汁食好開胃。避風塘炒蟹炒得好惹味，蟹幾大隻，都好多肉，D炸蒜唔會好辣，唔會搶咗蟹嘅鮮味，好正。蟹粥味道算鮮甜，粥底吸收到蟹肉同蟹膏嘅精華，食落都好綿。不過我比較鍾意食惹味D嘅菜式，下次會食籠仔蒸蟹飯，有蒜蓉加持，一定好惹味。