誠記

營業中

休息中

嚟到西灣熟食中心嘅頂樓（2/F），會一會出名嘅沙爹牛肉麵。環境同普通嘅熟食中心無乜分別，都係幾間舖頭啲位連住搵返舖頭前面啲凳坐就得。自己揀位坐低之後睇餐牌落單，朝早10點左右去食無乜人，落單之後等咗幾分鐘就有嘢食嚟。凍奶茶，$8（跟餐價）。外表吸引，飲落正正常常，無話特別出色，但照叫都唔會中伏，想飲嘢嘅話我覺得可以照叫。沙嗲牛肉麵，$35，最common冇加其他配料。牛肉數量都有6-7舊，肉質唔會話霉霉爛爛，或者有鬆肉粉嘅感覺。麵質都係普通軟硬嘅程度，硬返啲會比夠好。最驚喜係個湯，沙爹同花生醬味都好濃。