Reserva Ibérica Tapas Bar & Restaurant (已結業)

剛剛去完，發生奇景，不得不立即出食評。個囡訓左，咪諗住去呢間靜啲又靚啲既餐廳，仲係Asia Mile合作餐廳，食完又可以儲下里數。印象中1:15pm 坐低，5-10分鐘就落左單，點左個招牌西班牙海鮮飯 $238，餐牌寫製作需時15-20分鐘。點知等到1:45pm覺得唔對路，就問個男侍應，佢出返黎話等多5分鐘。再等夠10分鐘，都未有，就同另外1個女侍應(似高級d)講妳check下幾點入單，佢就話要燉多1分鐘，但我話餐牌都係話15-20分鐘。佢然後再次出現點知話個飯煮燶咗，再叫我等多陣，當然我無等。對於1間比較高檔餐廳(仲要係Asia Mile合作夥伴)，1個專業廚師，真係無可能發生。等候期間我影咗d相，證明真係堅有幫襯。