影片
更多
2022-11-08
42 瀏覽
點咗雞煲翅、巴東牛肉、口水雞、藍莓骨。😮💨食肉獸媽媽表示不滿，因為最大嘅問題係肉嘅質感完全欠奉！第一道菜：雞煲翅 $388 （餐）份量為5碗（飯碗）湯左右。裡面有兩圈翅，膠質重但翅感弱 - 三百零蚊就算佢啦。裡面嘅雞絲係雞肉嘅質感，有咬頭但係唔會過韌。湯有啲過鹹。點解連雞絲都要講？趴埋口水雞嘅食評就知。第二道菜：口水雞 $98點解連雞絲都要講？因為我哋點咗個口水雞，錯晒！雞肉梅嘅，媽媽形容為「口感好似食緊豆腐。」我問媽媽錯在哪裡，係唔係隻雞本身有事？媽媽話，係煮法嘅問題，大概係由得佢煲太耐破壞晒啲肉嘅纖維。相都冇影，即刻退咗。員工態度良好處理問題，但係企響後面嘅老闆娘黑面回應 🌚第三道菜：巴東牛肉 跟餐（原價$98）調味ok惹味，但係肉質同口水雞一樣，都係糜爛嘅。口感似罐頭五香肉丁嗰種糜爛，但係每舊巴東牛肉有六粒肉丁合埋一齊咁大舊… 咁個口感就真係好怪。媽媽再推出新猜想：連續兩個菜色都有肉質問題，可能係廚房用壓力煲煮肉類菜式，慳時間慳功夫，但係犧牲食味。🥀好糜爛呀～ 最好食係墊底嘅芽菜。第四道菜：藍莓骨 $98炸到超硬，絕對唔係外脆內院嗰隻。媽媽話呢碟起碼都係豬肉嘅質感。要降低要求到
第一道菜：雞煲翅 $388 （餐）
份量為5碗（飯碗）湯左右。裡面有兩圈翅，膠質重但翅感弱 - 三百零蚊就算佢啦。裡面嘅雞絲係雞肉嘅質感，有咬頭但係唔會過韌。湯有啲過鹹。點解連雞絲都要講？趴埋口水雞嘅食評就知。
第二道菜：口水雞 $98
點解連雞絲都要講？因為我哋點咗個口水雞，錯晒！雞肉梅嘅，媽媽形容為「口感好似食緊豆腐。」我問媽媽錯在哪裡，係唔係隻雞本身有事？媽媽話，係煮法嘅問題，大概係由得佢煲太耐破壞晒啲肉嘅纖維。相都冇影，即刻退咗。員工態度良好處理問題，但係企響後面嘅老闆娘黑面回應 🌚
第三道菜：巴東牛肉 跟餐（原價$98）
調味ok惹味，但係肉質同口水雞一樣，都係糜爛嘅。口感似罐頭五香肉丁嗰種糜爛，但係每舊巴東牛肉有六粒肉丁合埋一齊咁大舊… 咁個口感就真係好怪。媽媽再推出新猜想：連續兩個菜色都有肉質問題，可能係廚房用壓力煲煮肉類菜式，慳時間慳功夫，但係犧牲食味。🥀好糜爛呀～ 最好食係墊底嘅芽菜。
第四道菜：藍莓骨 $98
炸到超硬，絕對唔係外脆內院嗰隻。媽媽話呢碟起碼都係豬肉嘅質感。要降低要求到呢個地步，真係顛覆我三觀。Btw擺碟好醜，旁邊嗰兩條沙律菜想點😅
媽媽話最好食係最後嘅甜品楊枝金露…
唉… 其實都只係正常。
環境氛圍好奇怪，食煲類嘢，但係播放超細聲輕音樂，個場靜英英講嘢都要細細聲。可能係因為咁我哋勁Focus響食物質素上面 😆
唔知邊位係榮哥… 如果係其他廚師主理嘅話，就真係搞壞榮哥個朵（如果wing哥喺業內係有朵嘅話）
張貼
